لو بكيفي .؟ ( قلبي ) محدٍ يدخلَهـ !!
قولي عادي.. بالي الليلهـ طويل ..
............ شُوفي لِك عذرٍ قديمٍ / وأقبِلَهـ !!
لا تخافي... قلبي مِتعَوِّد يشيل ..
............. الجُروح اللي تجي له مُقبِلَهـ ..
" طيبتي " صارت مثل كف البخيل
............ أيِّ شَي طايح .. تِشُوفـه ؟ تحمِلَهـ
و " عزِّتي " تقدري تِسَمِّيها : النخيل
............ لأني شامِخ .. والعواصف قاتِلَهـ
وعادي جداً .. إنِّي الليله عليل ..
............ الحزن : يحْسِبني واحد مِنْ هَلَهـ !!
ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!
في غيابك .. ما لَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ
مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ
وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ
ليه راجع ؟! ليه ذاكر ..؟ يـ الأصيل ..؟؟
................ إنت ضايق.. ؟!في خطأ بالمسألَهـ !!
وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَهـ ؟!
و البلا .. إن حَبْ أنسان " ثقيل "
.............. ينسى مِن حُوله ويسْمَع مُذهلَه !!
مِن عرفتك .. ما بقى بـ اليَد .. حيل
.............. ولو بكيفي .؟ قلبي محدٍ يدخلَهـ
ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَهـ !!
فاقده الإحساس / ما يعطي القليل
............... وإن عطيته إحساس قلبك ؟ يقتِلَهــ !!
إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ .!!.
وإن خذاني المُوت إتركي قالٍ وقيل ..
............. قولي هـ الجُملهـ .. وخطاك (أمحلِّلَهـ
ربِّي ألهَم أهلهـ الصَبر الجَميل ..
.........
وإرحمـهـ يا رب وإحسِن مدخلَهـ!
تحياتي لكم الصقر الجريح
