القصه ومافيها

زائر

القصة و ما فيها
يا اخوي خذ عني القصة و ما فيها..
يا اخوي احفظها لاجل من بعدي ترويها ..
سجلها عالورق عالحيطان ..
على سمع الناس لحنها و غنيها..
لا تقل لي الحيطان الها ذان ..
الحجر عميل و الهوا خوان ..
لا تعلي صوتك نبرتك وطيها..
انا الفلسطيني بالجاه و السلطان ..
جدي عمر و الاصل كنعان..
اسئل عن الحضارة الحجارة ترويها..
فوت القدس و اتمعن الحيطان ..ا
نظر للقبة وشوف هالحيطان ..
تلقى الحضارة ما بين كفيها ..
مشتاق يا اخوي و رب العرش مشتاق ..
لركعة عباب القدس اصليها..
لا تقل لي مش ناقصك الم و اوجاع ..
حط الآه علآه تشفيها..
لا تقل لي في الك مراة و اولاد ..
في الك دار بدها مين يحميها..
لا تقل لي في الك عيلة في ناس ..
في الك بنت بدها مين يراعيها..
شردوا العيال وشتتوا الناس ..
و الدور هدوها على روس اهاليها..
الولاد اسرى و البنت من زمان .
حرقو قلب امها عليها..
اتركني يا اخوي اصرخ و اقول الآه .
حط الآه عالآه تشفيها..
اتركني يا اخوي اصيح بالي صار..
قتل و ذبح هدم و ردم و حصار..
شردوا الاهل و قتلوا الرجال..
و الاطفال ذبحوها بحضون اهاليها ..
حفروا القصى خنادق و انفاق..
على هيكل مزعوم ..
كذب و غدر و نفاق ..
و حفروا الصخرة بدهم يهدوها..ا
تركني يا اخوي اصرخ بوجه الناس ..
اصحي الضماير القلوب اوعيها..ا
تركني يا اخوي اصرخ و اقول الآه ..
و حط الآه عالآه تشفيها..
مر يا اخوي عالمحسوم و شوف..
كرامة امة بيدوسوا عليها..
جندي حقود بسب و شتم و عراك..
الهامة المرفوعة بالارض يخليها..
ورا الجدار الي سهول و مروج ..
بعنب و زيتون والله ممليها..
ورا الجدار الي سهول و مروج..
شايف ابن صهيون بيعمر عليها..
سلبوا الوطن ..
قتلوا الاهل و الناس ..ا
لبلاد شتتوا اراضيها ..ا
تركني يا اخوي اصرخ و اقول الآه ..
حط الآه عالآه تشفيها..
لا تفل الي في الك عيلة في ناس..
لا تقل لي سياسة و ما الك فيها ..
لا تقل لي السياسة الها ناس ..
يا اخوي حاميها حراميها..
لا تقل لي في الك مراة و اولاد ..
في الك عيلة يمكن ياذيها ..ا
نا الفلسطيني و ما بخاف الناس..
و ما بوخذ الروح الا الي باريها..
انا الفلسطيني الي ما بيخاف الناس ..
و قادر اجيب عاليها واطيها ..
و اشهدي يا دار ..
علي مضى و الي صار ..
و اشهد يا وطن علي و عليها ..
غير الشهادة على ترابها ما انول ..
روحي هواها .. و دمي ساقيها..
غير الشهادة على ترابها ما انول ..
هي الوطن و رح اندفن فيها ..ا
تركني يا اخوي اصرخ و اقول الآه ..
حط الآه عالآه تشفيها..
لا تقل لي الحيطان الها ذان ..
الحجر عميل و الهوا خوان ..
لا تعلي صوتك نبرتك وطيها ..
لا تقل لي في الك مراة و اولاد ..
في الك عيله ..يمكن يآذيها ..
لك تروح العيلة و يروحو الناس ..ا
تروح العيلة و يروحوا الناس ..
اذا ضاع الوطن هالدنيا ما الي فيها

Admin عدد المساهمات : 221 تاريخ التسجيل : 11/05/2010

يعطيك الف عافيه اخي هشام
مشكووووووور علي المشاركه الرائعة
تحياتي ليك
تسلم